Kitchie benedicto biography of martin

Sumakabilang-buhay ang former television executive na si Kitchie Benedicto kagabi, August 4.

Binawian ng buhay si Kitchie sa tahanan niya sa Pasig City. Siya ay 74 taong gulang.

Kinumpirma ng kanyang pamangkin, ang aktor at former Manila City councilor na si Robert Ortega, ang malungkot na balitang ito.

"Rest in Peace my dearest Ninang Kitchie. You will forever be in our hearts. You will be missed. Truly a beautiful woman inside and out. I love you Ninang," pamamaalam ni Robert sa tiyahin niya na sinuportahan ang kanyang acting at TV career.

Naganap ang cremation sa mga labi ni Kitchie ngayong Huwebes, August 5.

Malaki ang kontribusyon ni Kitchie sa TV industry.

Siya ang producer ng mga sikat na programa noong dekada ’70 tulad ng Superstar, ang musical-variety show ni Nora Aunor; ang sitcom na John En Marsha nina Dolphy at Nida Blanca; at ang kiddie gag show na Kaluskos Musmos na pawang ipinalabas sa RPN-9, ang nangungunang TV network noong '70s hanggang '80s.

Kabilang din sa iprinodyus niyang program ang weekly musical show ni Vilma Santos na Vilma in Person (V.I.P.); at ang sitcom na 2 +2nina Vic Sotto, Dina Bonnevie, Maricel Soriano, at Herbert Bautista na ipinalabas naman sa dating BBC-2.

Ang singer na si Rhap Salazar ang isa sa mga nagdadalamhati sa pagkawala ni Kitchie dahil malaki ang naitulong nito sa kanyang singing career.

Mensahe ni Rhap sa kanyang mentor at discoverer, “Twelve years ago, you discovered my singing and encouraged me to join my first ever international competition in the U.S.

“We won the grand title until Ellen DeGeneres called you for an invitation to her show. I miss seeing your happy face whenever we receive good news from people. Thank you for believing in me.

“To my former talent manager, Ma’am Kitchie Benedicto-Paulino, I’ll be forever grateful with everything that you did to me and my family.

"I love you, Tita Kitchie. We will miss you."

Read Next